Katrín Anna Ásmundsdóttir, handknattleikskona hjá Gróttu. Mynd/Grótta

Katrín Anna Ásmundsdóttir hefur samið til tveggja ára við handknattleiksdeild Gróttu. Katrín Anna er fædd árið 2004 og lék í vetur sitt annað tímabil með meistaraflokki en Gróttuliðið lék til úrslita við HK á dögunum um sæti í Olísdeild á næstu leiktíð.

Katrín Anna er örvhent og leikur í hægra horni. Hún lék alla 16 leiki liðsins í vetur og var þriðja markahæst í Gróttuliðinu með 51 mark. Katrín Anna hefur átt sæti í U17 ára liði landsliðsins.


„Katrín Anna hefur vaxið mikið sem leikmaður á undanförnum misserum. Það er þess vegna frábært að hún verði hjá okkur áfram enda gríðarlega efnilegur leikmaður,“ er haft eftir Kára Garðarssyni þjálfara Gróttu í tilkynningu handknattleikdeildar Gróttu í dag.

- Auglýsing -

Nýjustu fréttir

- Auglýsing -