Tryggvi Rafnsson hefur hleypt af stokkunum hlaðvarpsþættinum Handball Special þar sem hann fær til sín gamlar handboltahetjur í spjall um ferilinn, rifjar upp sögur og velur að sjálfsögðu sitt draumalið skipað gömlum liðsfélögum. Einnig verða viðmælendur að svara nokkrum skemmtilegum spurningum um erfiðasta mótherjann, hvaða liði hefði verið draumur að spila með og hvaða goðsagnir kæmust í liðið sitt.
Fyrsti þáttturinn er kominn í loftið og er fyrsti viðmælandi Tryggva Sigurgeir Árni Ægisson, framkvæmdastjóri handknattleiksdeildar FH og fyrrverandi leikmaður FH, HK og Kristiansund í Noregi.
Handball Special er hægt að nálgast í gegnum vinsælustu streymisveitur s.s. hjá Spotify, Apple og Google. Einnig er hægt að nálgast þættina í gegnum Facebook-síðu.
