Keppt um nýja gripi

Glæsilegir verðlaunagripir í Meistaradeild karla og kvenna í handknattleik frá og með keppnistímabilinu 2020/2021. Ljósmynd/EHF

Keppt verður um nýja verðlaunagripi í Meistaradeild karla og kvenna í handknattleik á keppnistímabilinu sem senn hefst. Þykir við hæfi í upphafi nýs áratugar að leggja tíu ára gömlum styttum og taka upp nýjar með ferskari blæ um leið og samræmis verði gætt með að hafa eins verðlaunagripi fyrir bæði kyn.

Handknattleikssamband Evrópu efndi til samkeppni um nýja verðlaunagripi. Spænska fyrirtækið Oiko Deisign Office, sem er undir verndarvæng Sustain Awards, fór með sigur út býtum. Nýi gripurinn er unnin úr endurnýttum málmum. Einnig eru boltarnir sem notaðir eru gamlir keppnisboltar sem hafa hlotið andlitslyftingu.  Af þessu leiðir að verðlaunagrpirnir teljast umhverfisvænir.

Nýju verðlaunagriprnir eiga að lýsa markmiði handknattleiksíþróttarinnar vel, þ.e. að skora mark enda sýna þeir bolta sem þenur út netmöskva. Um leið eiga þeir að endurspegla jafnrétti sem á að ríkja innan handknattleiksíþróttarinnar. Þess utan eru þeir mun léttari og handhægari en þeir verðlaunagripir sem keppt hefur verið um síðustu árin.

Alls sendu 27 fyrirtæki frá 12 löndum inn hugmyndir sínar í samkeppnina.

Flautað verður til leiks í Meistaradeild kvenna 12. september en fjórum dögum síðar í Meistaradeild karla. Breyting var gerð á keppninni fyrir þessa leiktíð. Nú verða aðeins 16 liða í hvorri deild en undanfarin ár hafa verið 28 liða í Meistaradeild karla í fjórum riðlum. Í vetur verður leikið í einni deild, heima og að heiman. Eftir það tekur við útsláttarkeppni í 8-liða úrslitum.

Sama fyrirkomulag verður í kvennadeildinni.

- Auglýsing -

Nýjustu fréttir

- Auglýsing -