Komnar áfram í bikarnum

Leikmenn Bayer Leverkusen hitta nýjan þjálfara þegar þeir koma saman aftur til æfinga um mánaðarmótin. Hildigunnur Einarsdóttir er fyrir miðri neðri röð, númer 18. Mynd/Bayer Leverkusen

Hildigunnur Einarsdóttir og samherjar hennar í Bayer Leverkusen tryggðu sér sæti í 8-liða úrslitum þýsku bikarkeppninnar í handknattleik með þriggja marka sigri á útivelli á Neckarsulmer, sem Birna Berg Haraldsdóttir lék með í fyrra og í hitteðfyrra, 27:24. Leverkusen var fjórum mörkum yfir í hálfleik, 18:14. Liðið var með sex marka forskot um tíma í fyrri hálfleik, 13:7.

„Við erum sáttar með sigur en spiluðum á tímabili ekki nógu skynsamlega í sókninni og klikkuðum á allt of mörgum dauðafærum,“ sagði Hildigunnur við handbolta.is í kvöld. Hún skoraði tvö mörk í leiknum.

Engin bikarkeppni er í karlaflokki í Þýskalandi á þessari leiktíð og í kvennaflokki er leikin styttri útgáfa með 16-liðum úr efstu deild. Allt er þetta snubbóttara en venjulega út af kórónuveirunni.

Auk Hildigunnar og félaga eru Buxtehuder SV, Rosengarten-Buchholz, Bietignehim, Blomberg-Lippe, Bad Wildiungen, Thuringer, Metzingen komin í átta liða úrslit bikarkeppninnar.

- Auglýsing -

Nýjustu fréttir

- Auglýsing -