Konurnar taka upp þráðinn

Jakob Lárusson, fyrir miðri mynd ræðir við leikmenn FH í leikhléi. Hann hætti þjálfun liðsins í dag. Mynd/Brynja T.

Fyrirhuguð var heil umferð með fjórum leikjum í Olísdeild kvenna í kvöld en þegar hefur tveimur leikjum verið slegið í á frest. Viðureign Fram og Stjörnunnar sem fram átti að fara í Framhúsinu í kvöld var frestað strax á sunnudaginn eftir að seinka varð viðureign Fram og ÍBV sem átti að fara fram á laugardag yfir á sunnudag.

Nú má sjá á vef HSÍ að fyrirhuguðum leik ÍBV og Hauka hefur einnig verið frestað. Væntanlega einnig vegna seinkunar á leik ÍBV og Fram um liðna helgi.

Niðurstaðan er sú að í kvöld verða tveir leikir á dagskrá. KA/Þór fær leikmenn Hauka í heimsókn í KA-heimilið og verður flautað til leiks klukkan 18.

Einum og hálfum tíma seinna taka nýliðar FH á móti Val í Kaplakrika. Handbolti.is mun eftir föngum reyna að hafa auga á leikjum kvöldsins.

Stöðu, úrslit og næstu leiki í Olísdeildum karla og kvenna er hægt að sjá á nýrri undirsíðu á vef okkar á handbolti.is sem nálgast má með því að smella hér í valglugga efst á síðunni. Síðan ekki alveg fullkláruð en fljótlega verður bætt við stöðu og næstu leikjum liðanna í Grill 66-deildum karla og kvenna.

- Auglýsing -

Nýjustu fréttir

- Auglýsing -