Kórdrengir eru komnir í sumarfrí

Mynd/Hafliði Breiðfjörð

ÍR-ingar komust í gærkvöld í úrslit umspilsins um sæti í Olísdeild karla á næstu leiktíð þegar þeir unnu Kórdrengi öðru sinni í undanúrslitum umspilsins, 25:19, þegar liðin mættust í Kórnum í Kópavogi. ÍR-ingar mæta annað hvort Fjölni eða Þór Akureyri í úrslitum en þau lið mætast öðru sinni á Akureyri í dag.


Fjölnir vann fyrsta leikinn við Þór, 28:24, en vinna þarf tvisvar sinnum til þess að ná sæti í úrslitum.


ÍR-liðið var með yfirhöndina frá upphafi til enda í leiknum í gær. Leikmenn beggja liða voru spakir við markaskorun í fyrri hálfleik. ÍR var fjórum mörkum yfir að honum loknum, 10:6.


Viðureignin í gær varð aldrei eins spennandi og fyrri viðureign liðanna í umspilinu en þá varð að grípa til framlengingar svo hrein úrslit fengjust.


Mörk Kórdrengja: Stefán Mickael Sverrisson 4, Matthías Daðason 3, Eyþór Hilmarsson 3, Markús Björnsson 3, Egill Björgvinsson 3, Hjalti Freyr Óskarsson 1, Gísli Þórðarson 1, Arne Karl Wehmeier 1.
Mörk ÍR: Viktor Sigurðsson 9, Dagur Sverrir Kristjánsson 4, Eyþór Waage 2, Hrannar Ingi Jóhannsson 2, Kristján Orri Jóhannsson 2, Egill Skorri Vigfússon 2, Bjarki Steinn Þórisson 1, Ólafur Atli Malmquist 1, Gabríel Freyr Kristinsson 1, Tómas Starrrason 1.

- Auglýsing -

Nýjustu fréttir

- Auglýsing -