Mynd/Egill Bjarni Friðjónsson

Hið nýja lið Kórdrengja varð að sætta sig við fjögurra marka tap fyrir ungmennaliði Aftureldingar í fyrsta leik sínum á Íslandsmótinu í handknattleik er liðin leiddu saman hesta sína í íþróttahúsinu á Varmá í Mosfellsbæ í gær, lokatölur 30:26.


Afturelding var tveimur mörkum yfir í hálfleik, 14:12. Harla litlar upplýsingar er að fá um leikinn. Á Facebook-síðu Aftureldingar er markvörðunum, Brynjar Vignir Sigurjónsson og Björgvin Franz Björgvinsson hrósað fyrir vaska framgöngu.


Ungmennalið Aftureldingar er einnig nýliði í deildinni eftir að hafa unnið 2. deild í vor. Kórdrengir fengu leikheimild í Grill66-deildinni í ágúst. Margir nýir leikmenn er í hópnum og standa vonir til þess að betur gangi þegar líður á keppnistímabilið.


Mörk Aftureldingar U.: Haraldur Björn Hjörleifsson 7, Alexander Orri Hannesson 5, Ágúst Atli Björgvinsson 5, Grétar Jónsson 5, Birgir Örn Birgisson 4, Ingi Hrafn Sigurðsson 1, Stefán Scheving Th. Guðmundsson 1, Gunnar Pétur Haraldsson 1, Böðvar Scheving Guðmundsson 1.

Mörk Kórdrengja: Matthías Daðason 7, Egill Björgvinsson 5, Þorlákur S. Sigurjónsson 4, Eyþór Hilmarsson 3, Guðfinnur Þorgeirsson 3, Hrannar Máni Gestsson 1, Logi Ólafsson 1, Arne Karl Wehmeier1, Tómas Helgi Wehmeier 1.

Staðan og næstu leikir í Grill66-deildinni.

- Auglýsing -

Nýjustu fréttir

- Auglýsing -