- Auglýsing -

Kórdrengir öflugri í slag nýliðanna

Mynd/Egill Bjarni Friðjónsson

Kórdrengir höfðu í dag sætaskipti við ungmennalið Vals og fóru upp í áttunda sæti Grill66-deildar karla í handknattleik er þeir unnu lið Berserkja í uppgjöri nýliðanna í deildinni, 25:19, í Digranesi.

Þetta var þriðji sigur Kórdrengja í deildinni á keppnistímabilinu í átta viðureignum. Berserkir sitja á botni deildarinnar án stiga enn sem komið er.

Liðsmenn Kórdrengja komust ekki í jólafrí eftir leikinn í dag því á miðvikudagskvöld sækja þeir ungmennalið Hauka heim.

Fyrri hálfleikur Kórdrengja og Berserkja í dag var fremur rólegur þar sem varnarleikurinn var í aðalhlutverki hjá báðum liðum. Aðeins voru skoruð 15 mörk sem deildust nokkuð bróðurlega á milli þeirra. Kórdrengir skoruðu átta mörk en Berserkir sjö.


Heldur lifnaði fyrir leiknum í síðari hálfleik, þá ekki hvað síst hjá Kórdrengjum sem náðu að efla sóknarleik sinn verulega.


Mörk Kórdrengja: Stefán Mickael Sverrisson 6, Þorlákur Sigurjónsson 5, Egill Björgvinsson 4, Birkir Fannar Bragason 2, Guðfinnur Þorgilsson 2, Matthías Daðason 2, Tómas Helgi Wehmeier 2, Eiríkur Guðni Þórarinsson 2.

Mörk Berserkja: Hinrik Wöhler 6, Bjartur Heiðarsson 4, Þorri Starrason 3, Hlynur Óttarsson 2, Víðir Ramdani 2, Magnús Hallsson 1, Bjarki Reyr Tryggvason 1.


Stöðuna og næstu leiki Grill66-deild karla má sjá hér.

- Auglýsing -
- Auglýsing -

Nýjustu fréttir

- Auglýsing -