Róbert Sighvatsson þjálfari Kórdrengja t.v. og Hinrik Geir, forsvarsmaður handknattleiksliðs Kórdrengja. Mynd/Kórdrengir

Kórdrengir veittu toppliði Harðar frá Ísafirði harða keppni í viðureign liðanna í Grill66-deild karla í handknattleik í Digranesi í kvöld en máttu játa sig sigraða þegar upp var staðið. Lokatölur 31:29 fyrir Hörð sem var þremur mörkum yfir að loknum fyrri hálfleik, 16:13.


Hörður situr þar með einn efstur og ósigraður í Grill66-deildinni með 12 stig að loknum sex leikjum. Kórdrengir eru í áttunda sæti með með sín fjögur stig eftir að hafa leikið fimm hörkuleiki. ÍR og Fjölnir eru með 10 stig, tveimur á eftir Harðarmönnum sem eru þeir einu sem eru ósigraðir í Grill66-deildinnni.


Örvhenta skyttan Guntis Pilpuks var atkvæðamikill hjá Herði eins og stundum áður og skoraði sex mörk. Axel Sveinsson og Þráinn Ágúst Arnaldsson stóðu honum ekki langt að baki í annars jöfnu liði Harðar.
Matthías Daðason var drjúgur fyrir lið Kórdrengja sem virðist vaxa með hverri raun í deildinni. Matthías skoraði átta mörk og var að vanda öruggur í vítaköstunum sem eru hans sérgrein.


Mörk Kórdrengja: Matthías Daðason 8, Stefán Mickael Sverrisson 5, Hjalti Freyr Óskarsson 3, Sigurður Karel Gíslason 2, Þorlákur S. Sigurbjörnsson 2, Eyþór Hilmarsson 2, Tómas Wehmeier 2, Egill Björgvinsson 2, Arne Karl Wehmeier 2, Máni Gestsson 1.
Mörk Harðar: Guntis Pilpuks 6, Axel Sveinsson 5, Þráinn Ágúst Arnaldsson 5, Daniel Wale Adeleye 4, Jón Ómar Gíslason 3, Kenya Kasahara 3, Ásgeir Óli Kristjánsson 2, Siguru Hikawa 2, Tadeo Ulises Salduna 1.

Stöðuna og næstu leiki í Grill66-deild kvenna er að finna hér.

- Auglýsing -

Nýjustu fréttir

- Auglýsing -