Kórónuveiran hangir yfir HM

Alfreð Gíslason, landsliðsþjálfari Þýskalands í handknattleik karla. Mynd/DHB

Alfreð Gíslason, landsliðsþjálfari Þýskalands í handknattleik, er afar óhress með skort á sóttvörnum og aðbúnað á hóteli því sem þýska landsliðið dvelur á í Kaíró þessa dagana. Í samtali við SkySports í Þýskalandi segir hann sóttvörnum verulega ábótavant. Þær séu ekki eins og talað hafi verið um.
Leikmenn og lið blandist saman m.a. í matsal og fleira er í ólestri. Þá hafi matreiðslumaður, sem þýska liðið tók með til Kaíró, ekki fengið aðstöðu í eldhúsi hótelsins.


„Aðstæður eru allt aðrar en þær sem okkur var lofað og svo virðist ekki vera hægt að breyta neinu,“ segir Alfreð þungur á brún. „Kórónuveiran hangir yfir heimsmeistaramótinu hvort sem okkur líkar betur eða verr,“ segir Alfreð er ósáttur eins og fleiri leikmenn, þjálfarar og forráðamenn liða sem búa á Mena House-hótelinu nærri Giza-sléttunni við bakka Nílar þar sem píramídarnir eru.


Fyrsti leikur Þjóðverja á HM verður á morgun gegn Úrúgvæ.

- Auglýsing -

Nýjustu fréttir

- Auglýsing -