Valgeir Gunnlaugsson, Sigþór Gellir Michaelsson og Daði Gautason eru á meðal hinna vösku manna sem skipa lið Kríu. Mynd/Tinna

Leikmenn Kríu gerðu heldur betur usla í toppbaráttu Grill 66-deildar karla í handknattleik í kvöld þegar þeir lögðu HK, 25:23, á heimavelli Kópavogsliðsins í Kórnum. Eftir tvo tapleiki í röð í deildinni bitu leikmenn Kríu í skjaldarrendur og stimpluðu sig inn í keppnina í deildinni á nýjan leik. Þetta var annað tap HK í deildinni en leikurinn í kvöld var hluti af fimmtu umferð.

Kría var sterkari í fyrri hálfleik og gaf tóninn strax í upphafi. HK-menn voru í mestu vandræðum í sókninni og náðu aðeins að skora níu mörk í fyrri hálfleik á meðan gestirnir skoruðu þrettán sinnum.
Heldur dró saman með liðunum í síðari hálfleik en ekki nóg til þess að HK tækist að krækja í að minnsta kosti annað stigið.
 
Mörk HK: Hjörtur Ingi Halldórsson 6, Kári Tómas Hauksson 3, Símon Michael Guðjónsson 3, Einar Pétur Pétursson 3, Kristján Otto Hjálmsson 3, Einar Bragi Aðalsteinsson 2, Sigurvin Jarl Ármannsson 2, Kristófer Andri Daðason 1.
Mörk Kríu: Kristján Orri Jóhannsson 11, Sigurður Egill Karlsson 5, Daði Gautason 4, Jóhann Kaldal Jóhannsson 2, Henrik Bjarnason 2, Sigurður Ingiberg Ólafsson 1.

- Auglýsing -

Nýjustu fréttir

Molakaffi: Sigur hjá Daníel Frey, Porto tekur númer 1 úr umferð, naumt tap

Daníel Freyr Andrésson varði 8 skot og var með 33 % markvörslu þann tíma sem hann stóð í marki Guif í gærkvöld...

Harðarmenn gáfu Kríunni ekkert eftir

Leikmönnum Harðar á Ísafirði vex fiskur um hrygg með hverjum leiknum sem þeir leika í Grill 66-deild karla í handknattleik. Þeir hafa...

Enn einn stórsigur HK

HK-liðið hefur verið á sigurbraut um nokkurt skeið í Grill 66-deild karla í handknattleik. Á því varð engin breyting í kvöld þegar...
- Auglýsing -