Merki Kríu

Forráðamenn handknattleiksliðsins Kríu sendu skýr skilaboð frá sér til forráðamanna liða í Olísdeildinni á Twitter í morgun. Ef marka má skilaboðin hefur borið á að einhverjir stjórnendur liða í Olísdeild karla hafi reynt að bera víurnar í lítt árennilegan leikmannahóp Kríunnar. “Látið okkar leikmenn vera, að minnsta kosti þangað til á næsta ári,” segir í tilkynningunni sem sjá má hér fyrir neðan.

Hvort þetta er sagt í gamni eða alvöru skal ósagt látið. Ljóst er hinsvegar að Kríu-menn geta slegið frá sér eins og fuglinn sem gefur aldrei þumlung eftir.

Kría er nýtt lið sem leikur í næst efstu deild karla, Grill 66-deildinni, en keppni í deildinni hefst um aðra helgi. Víst þykir að Krían gefi ekki þumlung eftir þegar keppni hefst í deildinni. Menn stefna hátt á þeim vígstöðvum.

- Auglýsing -

Nýjustu fréttir

- Auglýsing -