Kristján Orri Jóhannsson, leikmaður Kríu, er markakóngur Grill 66-deildar karla 2020/2021. Mynd/Eyjólfur Garðarsson

Kristján Orri Jóhannsson og samherjar í handknattleiksliðinu Kríu eru komnir á sigurbraut á nýjan leik. Þeir unnu annan leik sinn í röð í kvöld þegar þeir sóttu ungmennalið Fram heim í Safamýrina. Lokatölur voru 33:24, fyrir Kríu sem var fjórum mörkum yfir að loknum fyrri hálfleik, 19:15, en lítið fór fyrir varnarleik í fyrri hálfleik.


Kristján Orri fór enn einu sinni á kostum í liði Kríu. Hann skoraði 14 mörk og réðu leikmenn Fram ekkert við piltinn fremur en flest önnur lið deildarinnar. Kristján Orri hefur þar með skorað 109 mörk í tíu leikjum deildarinnar og ber höfuð og herðar yfir aðra leikmenn deildarinnar á lista yfir markahæstu leikmenn.


Kría er þar með komin með 13 stig að loknum tíu leikjum og er fimm stigum á eftir Víkingi sem trónir á toppnum. HK er með 16 stig, Fjölnir og Ungmennalið Vals 14 stig hvort. Kría bíður þar með færis ef toppliðin misstíga sig á næstunni.


Mörk Fram U.: Aron Örn Heimisson 5, Aron Fannar Sindrason 4, Tómas Bragi Gunnarsson 4, Róbert Árni Guðmundsson 3, Guðjón Andri Jónsson 3, Hrannar Máni Eyjólfsson 2, Stefán Orri Arnalds 2, Marteinn Sverrir Ingibjargarson 1.
Mörk Kríu: Kristján Orri Jóhannsson 14, Gísli Gunnarsson 5, Valdimar Sigurðsson 4, Hlynur Bjarnason 3, Jóhann Kaldal Jóhannsson 2, Henrik Bjarnason 2, Filip Andonov 1, Gunnar Valur Arason 1, Viktor Andri Jónsson 1.

- Auglýsing -

Nýjustu fréttir

- Auglýsing -