Alexander Petersson leikur með Melsungen í vetur. Mynd/Ívar

Landsliðsmaðurinn í handknattleik Alexander Petersson yfirgefur Melsungen þegar samningur hans við félagið rennur út 30. júní á næsta ári. Þetta kom fram í þýskum fjölmiðlum í gær.


Alexander, sem er 41 árs gamall, samdi til eins árs við Melsungen á síðasta vori. Tíðindin kom ekki á óvart enda sagði Alexander m.a. í samtali við handbolta.is í maí að hann reiknaði með að samingurinn við Melsungen væri sá síðasti sem hann gerði við félag í þýsku 1. deildinni.


Ivan Martinovic, sem nú leikur með Hannover-Burgdorf, kemur í stað Alexanders hjá Melsungen.

Auk Alexanders liggur fyrir að þýski landsliðsmarkvörðurinn Silvio Heinevetter kveður Melsungen á næsta sumri. Pólverjinn Adam Morawski kemur í stað Heinevetter. Morawski er nú í herbúðum Orlen Wisla Plock í Póllandi. Hann hefur samið við Melsungen til þriggja ára.

- Auglýsing -

Nýjustu fréttir

- Auglýsing -