- Auglýsing -

Kvöddu Tékka með 17 marka sigri

Mariam Eradze að skora eitt fimm marka sinn í leiknum við Tékka í morgun. Mynd/HSÍ

B-landslið Íslands í handknattleik vann stórsigur á U20 ára landsliði Tékka í morgun í þriðju og síðustu umferð æfingamótsins í Cheb í Tékklandi, 35:18. Íslenska liðið tók öll völd á leikvellinum strax í upphafi og var með sex marka forskot í hálfleik, 15:8.

Sara Dögg Hjaltadóttir sækir að vörn Tékka. Elna Ólöf Guðjónsdóttir er við öllu búin á línunni. Mynd/HSÍ


Tékkar skoruðu fyrsta mark leiksins. Íslenska liðið svaraði með sex mörkum í röð og sló þar með tóninn fyrir framhaldið. Varnarleikurinn var frábær og sóknarleikurinn gekk afar liðlega.


Seinni hálfleikurinn var að mörgu leyti svipaður og sá fyrri. Yfirburðir Íslands voru algjörir á vellinum og fékk tékkneska liðið ekki rönd við reist. Það var sama hvaða leikmaður kom inn á völlinn í dag, allir léku við hvern sinn fingur, jafnt í vörn sem sókn.

Lena Margrét Valdimarsdótir ógnar vörn Tékka. Mynd/HSÍ


Mariam Eradze var valin besti leikmaður Íslands í dag.


Mörk Íslands: Auður Ester Gestsdóttir 7, Mariam Eradze 5, Elín Rósa Magnúsdóttir 5, Sara Dögg Hjaltadóttir 4, Berglind Þorsteinsdóttir 3, Elna Ólöf Guðjónsdóttir 3, Harpa María Friðgeirsdóttir 3, Lena Margrét Valdimarsdóttir 2, Birta Lind Jóhannsdóttir 2, Jóhanna Margrét Sigurðardóttir 1.


Sara Sif Helgadóttir og Saga Sif Gísladóttir vörðu fimm skot hvor.

- Auglýsing -
- Auglýsing -

Nýjustu fréttir

- Auglýsing -