Lærisveinar Guðmundar unnu góðan útivallarsigur

Guðmundur Þórður Guðmundsson, þjálfari Melsungen. Mynd/MT Melsungen

MT Melsungen, liðið sem Guðmundur Þórður Guðmundsson þjálfar og Arnar Freyr Arnarsson leikur með, komst upp í sjöunda sæti þýsku 1. deildarinnar í kvöld eftir baráttusigur á Arnóri Þór Gunnarssyni og félögum í Bergischer HV, 25:23. Melsungen var marki undir að loknum fyrri hálfleik, 11:10.


Melsungen hefur þar með 32 stig í deildinni eftir 28 leiki og á einn til tvo leiki til góða á liðin fyrir ofan. Tveggja stiga munur er á Melsungen og Füchse Berlin sem situr í sjötta sæti en sæti þrjú, fjögur, fimm og sex gefa þátttökurétt í Evrópudeildinni á næsta keppnistímabili. Því er eftir nokkru að slægjast.

Arnór Þór skoraði sex mörk, þar af tvö úr vítaköstum, fyrir Bergischer HC.
Arnar Freyr skoraði eitt mark fyrir MT Melsungen og mátti bíta í súra eplið og vera einu sinni vísað af leikvelli.


Melsungen komst yfir þegar rúmar 40 mínútur voru liðnar af leiknum og lét yfirhöndina ekki af hendi eftir það þótt hart hafi verið sótt að liðinu af leikmönnum Bergischer HC.


Fabian Gutbrod var markahæstur hjá Bergischer með sjö mörk. Domagoj Pavlovic skoraði einnig sjö mörk og var markahæstur hjá Melsungen. Julius Kühn var næstur með fimm mörk.

Staðan:

Standings provided by SofaScore LiveScore


- Auglýsing -

Nýjustu fréttir

- Auglýsing -