Lagt á ráðin fyrir umspilsleikina

Guðmundur Þórður landsliðsþjálfari rabbar við leikmenn sína fyrir æfingu í Framhúsinu í dag. Mynd/HSÍ

Karlalandsliðið í handknattleik kom saman í gærkvöld til æfinga en liðið verður saman fram á sunndag. Eingöngu er um æfingabúðir að ræða að þessu sinni, svipaðar og þær og voru í nóvember og þóttu takast vel.


Æfingarnar í vikunni eru m.a. liður í undirbúningi fyrir umspilsleiki um sæti á heimsmeistaramótinu sem fram fer í janúar á næsta ári í Svíþjóð og Póllandi. Á sunnudaginn skýrist hvort andstæðingur íslenska landsliðsins í leikjunum tveimur eftir um mánuð verður landslið Austurríkis eða Eistlands. Austurríki og Eistland mætast í tvígang á næstu dögum í fyrstu umferð umspilsins.


Guðmundur Þórður Guðmundsson, landsliðsþjálfari, valdi 21 leikmann að þessu sinni. Ekki er annað vitað en að þeir hafi allir skilað sér á æfingar fram til þessa en m.a. æfði liðið í Framhúsinu laust eftir hádegið í dag. Fyrsta æfingin var í gærkvöld.


Viktor Gísli Hallgrímsson, Arnar Freyr Arnarsson, Viggó Kristjánsson og Bjarki Már Elísson. Mynd/HSÍ
Kristján Örn Kristjánsson, Donni, Daníel Freyr Andrésson, Haukur Þrastarson og Orri Freyr Þorkelsson. Mynd/HSÍ
Björgvin Páll Gústavsson, markvörður. Mynd/HSÍ
- Auglýsing -

Nýjustu fréttir

- Auglýsing -