Lágu á heimavelli í fyrsta leik

Bjarni Ófeigur Valdimarsson leikmaður Skövde t.v. Mynd/Aðsend

Bjarni Ófeigur Valdimarsson og félagar í IFK Skövde fengu ekki draumabyrjun í úrslitakeppninni um sænska meistaratitilinn í handknattleik í kvöld á heimavelli. Þeir töpuðu fyrir Ystads IF með tveggja marka mun, 30:28, eftir að hafa verið þremur mörkum undir að loknum fyrri hálfleik, 16:13.


Bjarni Ófeigur skoraði fjögur mörk, átti tvær stoðsendingar og var einu sinni vísað af leikvelli.


Liðin mætast öðru sinni í Ystad á laugardaginn og þriðja viðureignin verður í Skövde á þriðjudaginn. Liðið sem fyrr vinnur þrisvar sinnum verður sænskur meistari.


Skövde hefur aldrei orðið sænskur meistari í handknattleik karla og 30 ár eru liðin í vor frá síðasta meistaratitli Ystads-liðsins.

a>
- Auglýsing -

Nýjustu fréttir

- Auglýsing -