Landsliðskona Serba leikur með ÍBV – ein er heima

Sigurður Bragason, þjálfair ÍBV, fer yfir málin. Mynd/Egill Bjarni Friðjónsson

Af þeim sextán leikmönnum sem eru í serbneska landsliðshópnum sem mætir íslenska landsliðinu í undankeppni EM kvenna í Schenkerhöllinni á Ásvöllum kl. 16 í dag leikur einn hér á landi, Marija Jovanovic. Hún er liðsmaður ÍBV og leikur væntanlega sinn fyrsta landsleik í dag. Alltént er hún ekki skráð með landsleik í þeim gögnum um serbneska liðið sem handbolta.is hefur undir höndum. Jovanovic tók ekki þátt í leik Serba og Tyrkja á miðvikudagskvöld.


Af sextán leikmönnum serbneska landsliðsins sem eru hér á landi leikur aðeins einn með félagsliði í Serbíu. Fimm eru samningsbundnir félagsliðum í Rúmeníu, fjórir eru í Ungverjalandi, einn í Slóveníu og annar í Króatíu, einn í Frakkalandi, einn í Póllandi og einn í Þýskalandi auk fyrrgreindrar Jovanovic hjá ÍBV.


Þjálfarinn, Uros Bregar, er Slóveni og er einnig þjálfari Krim Mercator í heimalandi sínu. Krim hefur verið yfirburðalið í Slóveníu á síðustu árum og leikur m.a. í Meistaradeild Evrópu. Bregar sagði óvænt upp störfum sem landsliðsþjálfari Slóveníu í vor, skömmu fyrir leiki Íslands og Slóveníu í undankeppni HM. Nokkrum dögum eftir uppsögnina tók Bregar við þjálfun kvennalandsliðs Serbíu af hinum gamalreynda Ljubomir Obradović. Hann hætti eftir að serbneska landsliðinu tókst ekki að tryggja sér þátttökurétt á Ólympíuleikunum. Áður hafði Obradović setið undir gagnrýni vegna slaks árangurs Serba á EM í Danmörku á síðasta ári þegar liðið varð að halda heim eftir riðlakeppni mótsins.


Viðureign Íslands og Serbíu í 6. riðli undankeppni EM hefst klukkan 16 í Schenkerhöllinni á Ásvöllum. Aðgangur að leiknum er ókeypis þar sem Arionbanki býður landsmönnum á leikinn.

- Auglýsing -

Nýjustu fréttir

- Auglýsing -