Landsliðsmarkvörður framlengir dvöl sína

Nicholas Satchwell, markvörður KA og færeyska landsliðsins. Mynd/Egill Bjarni Friðjónsson.

Færeyski landsliðsinsmarkvörðurinn Nicholas Satchwell skrifaði í gær undir nýjan tveggja ára samning við Handknattleiksdeild KA en greint er frá þessu á heimsíðu félagsins.

Satchwell kom til KA fyrir tímabilið sem nú stendur yfir frá Neistanum í Þórshöfn og hefur sett mark sitt á liðið með jafnri og góðri frammistöðu.

Hann fer til Færeyja eftir helgina en framundan eru þrír síðustu leikir færeyska landsliðsins í undankeppni EM, gegn Rússum í Moskvu á miðvikudaginn, Tékklandi í Þórshöfn á föstudag og loks verður annar leikur gegn Rússum og þá í Þórshöfn annan sunnudag.

Nicholas sem er fæddur árið 1991 hefur verið landsliðsmarkvörður Færeyja undanfarin ár. Áður var hann markvörður landsliðs Bretlands og lék til að mynda á Ólympíuleikunum í London árið 2012.

a>
- Auglýsing -

Nýjustu fréttir

- Auglýsing -