Landsliðsmarkvörðurinn úr leik eftir höfuðhögg

Mynd/HSÍ

Landsliðsmarkvörðurinn Hafdís Renötudóttir var fjarri góðu gamni þegar Fram mætti KA/Þór og tapaði í Meistarakeppni HSÍ í gær. Ástæðan fyrir fjarveru hennar mun vera sú að hún hlaut höfuðhögg á æfingu á dögunum. Til að bæta gráu ofan á svart þá varð Hafdís einnig fyrir höfuðhöggi á æfingu landsliðsins í sumar. Hún verður þar af leiðandi að hafa hægt um sig þessa dagana enda alvarlegt að fá höfuðhögg, hvað þá ítrekað.

Þetta hefur handbolti.is samkvæmt heimildum.

Vegna þessa þá krækti Fram í markvörðinn Ástrós Önnu Bender frá Aftureldingu á dögunum. Ástrós er ætlað að standa vaktina í markinu með Katrínu Ósk Magnúsdóttur.

- Auglýsing -

Nýjustu fréttir

- Auglýsing -