Láta hendur standa fram úr ermum í handboltaskólanum

Hópurinn sem er úti um þessar mundir á vegum Handboltaskólans í Kiel. Mynd/Handboltaskólinn í Kiel

Fimmtíu íslenskir krakkar nema nú og leika sér í árlegum Handboltaskóla í Kiel í Þýskalandi sem Árni Stefánsson handknattleiksþjálfari með meiru hefur haldið úti af dugnaði og elju í um nærri áratug. Hópurinn fór utan á föstudaginn og síðan hafa krakkarnir og þjálfarar þeirra látið hendur standa fram úr ermum og gera áfram næstu daga.


Flogið var til Berlínar en skólinn er að þessu sinni í íþróttamiðstöðinni í Malente í Schleswig-Holstein, ekki langt frá Lübeck.


Hópurinn verður úti í viku, fer heim 23. júlí.

Þjálfararnir Jóhann Guðmundsson, Stefán Arnarson, Ágúst Þór Jóhannsson, Andri Snær Stefánsson og Stefán Árnason. Mynd/Handboltaskólinn í Kiel


Valinn maður er í hverju rúmi í áhöfn þjálfara en þeir eru Andri Snær Stefánsson, Ágúst Þór Jóhannsson, Jóhann Guðmundsson, Stefán Árnason og Stefán Arnarson.


Fjöldi mynda frá síðustu dögum er að finna á Facebook síðunni Handboltaskóli í Kiel sem einnig er með síðu á Instagram undir heitinu “handboltaskoli“.

- Auglýsing -

Nýjustu fréttir

- Auglýsing -