Vel gengur hjá ungu liði Vals í Grill 66-deildinni. Mynd/Valur

Ungmennalið Vals, skipað nokkrum sterkum leikmönnum úr A-liðinu sem leikur í Olísdeildinni, vann ÍR örugglega, 32:24, í Grill 66-deild kvenna í handknattleik í Austurbergi í dag. ÍR-ingum tókst að halda í við Valsliðið í fyrri hálfleik. Leiðir skildu hinsvegar í þeim síðari og Valsliðið tók stigin tvö með sér heim á Hlíðarenda.


Eins og fyrr segir var fyrri hálfleikur nokkuð jafn og var aðeins eins marks munur að honum loknum, 16:15, Val í vil.

Valur er í öðru sæti deildarinnar með 20 stig að loknum 13 leikjum. ÍR er sex stigum á eftir einnig eftir 13 leiki. Ungmennalið Fram er efst með 22 stig þegar þetta er skrifað. Fram mætir Víkingi í Víkinni klukkan 20.


Mörk ÍR: Hildur María Leifsdóttir 5, Stefanía Ósk Hafberg 5, Ólöf Marín Hlynsdóttir 3, Guðrún Maryam Rayadh 3, Auður Margrét Pálsdóttir 2, Fanney Ösp Finnsdóttir 2, Anna Sólbjört Högnadóttir 1, Auður Valdimarsdóttir 1, Matthildur Lilja Jónsdóttir 1, Margrét Katrín Jónsdóttir 1.
Mörk Vals U.: Mariam Eradze 9, Hulda Dís Þrastardóttir 8, Auður Ester Gestsdóttir 6, Guðlaug Embla Hjartardóttir 4, Berglind Gunnarsdóttir 3, Vala Magnúsdóttir 2.

- Auglýsing -

Nýjustu fréttir

- Auglýsing -