Leikheimild er í höfn

Thea Imani Sturludóttir og leikmenn Vals eru komnir í undanúrslit. Mynd/Valur

Thea Imani Sturludóttir hefur fengið leikheimild og verður þar af leiðandi gjaldgeng með Val á morgun þegar keppni hefst aftur í Olísdeild kvenna með heilli umferð. Sem kunnugt er þá hefur ekki verið leikið í deildinni frá 26. september.


Tilkynnt á mánudaginn að Thea Imani hafi gengið til liðs við Val eftir að hafa fengið rift samningi sínum við danska úrvalsdeildarliðið Århus United á dögunum eftir hálfs árs veru. Nú hafa allir endar verið hnýttir en m.a. varð Valur að greiða félagsskiptagjald til Handknattleikssambands Evrópu. Þegar það var í höfn auk fleiri atriða gat skrifstofa HSÍ gefið út leikheimild fyrir Theu.

Valur fær Stjörnuna í heimsókn í Origo-höllina á morgun klukkan 13.30.

Aðrir leikir í Olísdeild kvenna á morgun:
Kórinn: HK – FH, kl. 13.30.
Framhús: Fram – ÍBV, kl.14.30.
Schenker-höllin: Haukar – KA/Þór, kl.16.

- Auglýsing -

Nýjustu fréttir

- Auglýsing -