Leikmenn Vængjanna eru reiðubúnir að ýta úr vör á ný

Leikmenn Vængja Júpíters, sem hófu útgerð í Grill 66-deild karla, af miklum krafti í september en voru tilneyddir til að leggja árar í bát og draga skektu sína upp á fjörkamb þegar blátt bann var lagt við allri handknattleiksiðkun, komu saman í gærkvöld og birtu af því tilefni myndir frá æfingunni á Twitter.


Leikmenn Vængja Júpíters, eins og aðrir sem stunda handknattleik hér á landi, vonast til að heilbrigðisráðherra lini tökin á handknattleiksútgerðinni þegar líður á mánuðinn svo menn megi ýta úr vör á nýjan leik.

Aðeins þremur útgerðardögum af átján er lokið í Grill 66-deildinni og ljóst að menn verða mæta vel undirbúnir til þeirrar tarnar sem framundan er til þess að ljúka megi vetrarvertíðinni áður en sumar gengur í garð. Leikmenn Vængja Júpíters slá að minnsta kosti ekki slöku við æfingar þessa dagana en gæta vel að sóttvörnum eins og þeim ber að gera og meðfylgjandi myndir sýna.

Frá æfingu Vængja Júpíters i gærkvöld. Mynd/FB-síða Vængja Júpíters

- Auglýsing -

Nýjustu fréttir

Fjölnir tyllti sér aftur á toppinn

Fjölnismenn gefa toppsæti Grill 66-deild karla í handknattleik ekki eftir enda voru þeir búnir að sitja í efsta sæti deildarinnar þegar leikir...

Örn Ingi mætti til leiks og Víkingur vann með níu

Víkingar koma öflugir til leiks aftur eftir þriggja og hálfs mánaðar hlé á keppni í Grill 66-deildinni í handknattleik karla. Þeir tóku...

HK byrjaði vel eftir langt hlé

HK hóf keppni í Grill 66-deild karla í handknattleik í kvöld með öruggum sigri á Vængjum Júpíters í Dalhúsum í Grafarvogi, 29:18,...
- Auglýsing -