Þórey Anna Ásgeirsdóttir. Mynd/Valur

Handknattleikskonan Þórey Anna Ásgeirsdóttir leikur ekki meira með Valsliðinu á þessari leiktíð þar sem hún á von á barni á næstu mánuðum.

Þórey er næst markahæsti leikmaður Vals á tímabilinu og hefur verið einn af lykilmönnum liðsins í vetur og kemur sterk til baka á næsta tímabili, segir í tilkynningu á Facebook-síðu Handknattleiksdeildar Vals.

Þórey Anna kom til Vals á síðasta sumri frá Stjörnunni. Hún hefur skorað 56 mörk í 12 leikjum í Olísdeildinni á yfirstandandi leiktíð. Þórey Anna hefur einnig átt sæti í landsliðinu á síðustu árum.

Þórey Anna er þriðji leikmaður Valsliðsins sem gerir hlé á æfingum og keppni á leiktíðinni vegna barnsburðar. Hinar eru Arna Sif Pálsdóttir og Hildur Björnsdóttir.

- Auglýsing -

Nýjustu fréttir

- Auglýsing -