Léku á ný eftir þriggja vikna hlé vegna covid

Felix Már Kjartansson t.v. og Ágúst Ingi Óskarsson gengu til liðs við Neistan í Þórshöfn í sumar. Mynd/Neistin

Ágúst Ingi Óskarsson skoraði átta mörk fyrir Neistan í gær þegar liðið lék sinn fyrsta leik í nærri þrjár vikur í færeysku úrvalsdeildinni í handknattleik. Kórónuveira lék lausum hala í herbúðum liðsins um tíma og æfði liðið t.d. ekkert í tvær vikur. Kom það glöggt niður á leik Neistans í gær sem tapaði á heimavelli í KÍF frá Kollafirði, 29:24. Leikurinn fór fram í Höllinni á Hálsi í Þórshöfn.


Ofan á annað þá hefur danskur leikmaður Neistans helst úr lestinni vegna meiðsla og verður væntanlega frá keppni út keppnistímabilið.

Felix Már Kjartansson, sem eins og Ágúst Ingi, gekk til liðs við Neistan í sumar frá HK skoraði tvö mörk í leiknum í gær. Neistin er í næst neðsta sæti af sjö liðum í úrvalsdeild með átta stig eftir 10 leiki. Arnar Gunnarsson er þjálfari Neistans annað keppnistímabilið í röð.


Bjartur Már Guðmundsson skoraði tvisvar sinnum fyrir StÍF í sjö marka tapi liðsins á heimavelli fyrir H71, 35:28. Bjartur og félagar sitja í fimmta sæti úrvalsdeildar með níu stig í 12 leikjum.

- Auglýsing -

Nýjustu fréttir

- Auglýsing -