- Auglýsing -

Leó Snær tryggði bæði stigi í háspennuleik

Leó Snær Pétursson var öruggur á vítalínunni í kvöld. Mynd/Stjarnan

Leó Snær Pétursson tryggði Stjörnunni bæði stigin gegn Aftureldingu á Varmá kvöld í 1. umferð Olísdeildar karla í handknattleik. Hann skoraði úr vítakasti þegar leiktíminn var liðinn, 36:35. Hálfri mínútu áður hafði Guðmundur Bragi Ástþórsson jafnað metin fyrir Aftureldingu með 14. marki sínu í leiknum, 35:35. Leó Snær kom Stjörnunni marki yfir, 35:34, einnig úr vítakasti.


Afturelding var tveimur mörkum yfir, 31:29, þegar tíu mínútur voru til leiksloka og marki yfir sex míntum fyrir leikslok áður en Stjörnumenn náðu frumkvæðinu undir lokin og vera á undan að skora.


Stjarnan átti síðustu sókn leiksins í framhaldi af jöfnunarmarki Guðmundar Braga, 35:35. Stjörnumenn tóku leikhlé þegar 16 sekúndur voru til leiksloka og settu upp í lokasóknina sem lauk með því að Dagur Gautason vann vítakast sem Leó Snær skoraði sigurmarkið úr við mikinn fögnuð leikmanna Stjörnunnar, eins og nærri má geta.


Staðan í hálfleik var jöfn, 19:19, eftir að Stjarnan hafði ráðið lögum og lofum framan af og m.a. náð ítrekað sex marka forskoti.


Mörk Aftureldingar: Guðmundur Bragi Ástþórsson 14/2, Árni Bragi Eyjólfsson 8/1, Þorsteinn Leó Gunnarsson 3, Gunnar Kristinn Malmquist Þórsson 3, Hamza Kablouti 2, Birkir Benediktsson 2, Þrándur Gíslason Roth 2, Úlafur Páll Monsi Þórðarson 1.
Varin skot: Brynjar Vignir Sigurjónsson 3, 14,3% – Andri Sigmarsson Scheving 1, 9,1%.
Mörk Stjörnunnar: Leó Snær Pétursson 7/7, Starri Friðriksson 6, Björgvin Þór Hólmgeirsson 5, Dagur Gautason 5, Tandri Már Konráðsson 4, Þórður Tandri Ágústsson 2, Sverrir Eyjólfsson 2, Gunnar Steinn Jónsson 1.
Varin skot: Adam Thorstensen 7, 25,9% – Arnór Freyr Stefánsson 1, 6,3%.

Öll tölfræði leiksins hjá HB Statz.

- Auglýsing -
- Auglýsing -

Nýjustu fréttir

- Auglýsing -