- Auglýsing -
Bikarmeistarar kvenna í handknattleik, KA/Þór, mæta Fram í undanúrslitum Coca Cola-bikars kvenna miðvikudaginn 9. mars á Ásvöllum. Liðin léku til úrslita í keppninni 2021. Í hinni viðureign undanúrslita í kvennaflokki leika Valur og ÍBV. Dregið var upp úr klukkan 13 í dag.
Í karlaflokki fá ríkjandi Coca Cola-bikarmeistarar Vals að leika við Hörð, FH eða Þór Akureyri. Selfoss og KA eigast við í hinni viðureign undanúrslitanna fimmtudaginn 10. mars á Ásvöllum.
Vonir standa til þess að Hörður og FH geti leitt leik sinn í 16-liða úrslitum til lykta á morgun á Ísafirði. Sigurvegarinn mætir Þór Akureyri í átta liða úrslitum þar sem þátttökuréttur í undanúrslitum verður undir með leik við Val.
Úrslitaleikir meistaraflokks kvenna og karla fara fram laugardaginn 12. mars á Ásvöllum.
Úrslitaleikir Coca Cola-bikarsins í 3. aldursflokki verða föstudaginn 11. mars á Ásvöllum og 4. aldursflokkur leikur til úrslita í keppninni sunnudaginn 13. mars á sama stað.
- Auglýsing -
