- Auglýsing -

Lögðu góðan grunn í fyrri

Leikmenn Gróttu mæta ÍR-ingum í undanúrslitum umspilsins. Mynd/Eyjólfur Garðarsson

Glatt var á hjalla meðal leikmanna og þjálfara kvennaliðs Gróttu í dag þegar flautað var til loka leiks Gróttu og Aftureldingar í Grill 66-deild kvenna og ljóst var að Grótta hefði farið með sigur úr býtum, 22:20, eftir að Aftureldingarliðið hafði reynt hvað það gat í síðari hálfleik til að bæta fyrir slakan leik í fyrri.

Gróttuliðið réði lögum og lofum í fyrri hálfleik og var með átta marka forskot í hálfleik, 14:6. Þetta var fyrsti sigur Gróttu í Grill 66-deildinni á leiktíðinni en liðið tapaði fyrir Fram U í fyrstu umferð.

Afturelding sat yfir í fyrstu umferð. Báðum liðum hefur verið spáð að verða í baráttu um sæti í Olísdeild á næstu leiktíð. Gangi það eftir getur þessi sigur reynst Gróttu dýrmætur.

Mörk Gróttu: Anna Lára Davíðsdóttir 6, Tinna Valgerður Gísladóttir 5, Katrín Helga Sigurbergsdóttir 4, Steinunn Guðjónsdóttir 2, Ágúst Huld Gunnarsdóttir 2, Rut Bernódusdóttir 2, Katrín Anna Ásmundsdóttir 1.

Mörk Aftureldingaar: Úlfhildur Tinna Lárusdóttir 6, Susan Barians 3, Katrín Helga Davíðsdóttir 3, Kristín Arndís Ólafsdóttir 2, Anamaria Gugic 2, Drífa Garðarsdóttir 2, Ragnhildur Hjartardóttir 1, Telma Rut Frimannsdóttir 1.

- Auglýsing -
- Auglýsing -

Nýjustu fréttir

- Auglýsing -