Lokaumferðin í Meistaradeild kvenna fer fram um helgina þar sem að aðalleikur helgarinnar er án efa viðureign Györ og CSKA í B-riðli en um er að ræða hreinan úrslitaleik um toppsæti riðilsins. Aðrir leikir í B-riðli er Balkanskagaslagur Buducnost og Podravka. Þá munu Valcea og Dortmund, sem hafa verið að spila vel undanfarið, reyna að ná stigum á heimavelli gegn Brest og Odense Håndbold.
Í A-riðli mætast Rostov-Don og FTC í leik þar sem að rússneska liðinu tekst með sigri, að halda toppsætinu. Liðin í öðru og þriðja sæti, Metz og CSM mætast í Frakklandi og vonast til þess að Rostov misstígi sig á móti FTC til þess að hreppa toppsætið.
Sú breyting var gerð á keppnisfyrirkomulaginu í Meistaradeildinni á dögunum að nú fara öll liðin áfram í 16-liða úrslit. Fyrir leiki helgarinnar eru tvær viðureignir í 16-liða úrslitunum klárar. Það er annars vegar viðureing Vipers og Odense og hinsvegar á milli Esbjerg og Brest.
Leikir helgarinnar
A-riðill
Metz – CSM Búkaresti | Laugardagur 13. febrúar kl 14.00
- Metz er í öðru sæti riðilsins, einu stigi meira en CSM og því verður rúmenska liðið að vinna leikinn til þess að komast upp fyrir franska liðið.
- Cristina Neagu vinstri skytta rúmenska liðsins er markahæsti leikmaður liðsins með 68 mörk og það setur hana í sjötta sæti yfir flest mörk í sögu Meistaradeildarinnar með 753 mörk.
- Metz tapaði sínum fyrsta heimaleik í fjögur ár í Meistaradeildinni fyrir tveimur vikum þegar liðið tapaði, 29-28, fyrir Vipers.
- CSM hefur unnið þrjá af þeim sjö leikjum sem liðin hafa spilað en Metz hefur hins vegar unnið alla leikina sem liðin hafa spilað í Frakklandi.
Rostov-Don – FTC | Laugardagur 13. febrúar kl 14.00
- Rostov er í toppsæti riðilsins með einu stigi meira en Metz og þær þurfa sigur til þess að halda toppsætinu.
- Rússneska liðið hefur unnið níu leiki í Meistaradeildinni í vetur
- Hægri vængur FTC hefur heldur betur staðið sig vel í Meistaradeildinni í vetur. Katrin Klujber og Angela Malestein hafa skorað 120 mörk fyrir liðið.
- Rostov hefur unnið níu af þeim ellefu leikjum sem liðin hafa mæst í, þar af síðustu sjö leiki í röð.
Vipers – Krim | Laugardagur 13. febrúar kl 16.00
- Krim eru í sjöunda sæti A-riðilsins og getur ekki komist ofar og mun mæta annað hvort CSKA eða Györ í 16-liða úrslitum. Vipers eru í fimmta sæti og leikur við Odense í 16-liða úrslinum.
- Vipers hefur tapað þremur leikjum í röð.
- 19. mark Krim í leiknum mun verða 7.000. mark liðsins í Meistaradeildinni. Aðeins Buducnost hefur skoraði fleiri mörk í keppninni.
- Nora Mörk þurfti að fara af velli á lokamínútum leiksins gegn Rostov-Don á miðvikudaginn vegna meiðsla. Hún verður ekki með í dag.
- Silje Waade hægri skytta Vipers sleit krossband á dögunum.
- Vipers hefur unnið fjóra af fimm innbyrðisleikjum liðanna.
Esbjerg – Bietigheim | Sunnudaginn 14. febrúar kl 12.00
- Esbjerg eru fast í sjötta sæti í riðlinum og mætir Brest í 16-liða úrslitunum. Bietigheim sem endar í áttunda sæti riðilsins mun mæta CSKA eða Györ.
- Bietigheim hefur aðeins unnið tvo af útileikjum sínum í Meistaradeildinni.
- Danska liðið skortir aðeins sex mörk til þess að verða 27. liðið til þess að rjúfa 1.000 marka múrinn í Meistaradeildinni.
- Esbjerg hefur unnið þrjár innbyrðis viðureignir liðanna í Meistaradeildinni.
B-riðill
Györ – CSKA | Laugardagur 13. febrúar kl 16.00
- Fyrri leikur liðanna var hörkuleikur sem endaði með jafntefli, 27-27.
- Nýliðar CSKA eru með 23 stig í topp sæti riðilsins, einu stigi á undan Györ.
- Ungverska liðið þarf sigur til þess að vinna riðilinn. Jafntefli dugar CSKA.
- Györ eru taplaust í 50 leikjum í röð og hefur ekki tapað síðan í janúar 2018. CSKA hefur unnið alla sex leiki sína á þessu ári.
Buducnost – Podravka | Laugardagur 13. febrúar kl 16.00
- Þessi lið hafa mæst fimm sinnum áður í Evrópukeppni.
- Buducnost hefur unnið þrjá leiki en Podravka tvo.
- Króatíska liðið er með fjögur stig og endar neðst í riðlinum. Buducnost er í fimmta sæti með tíu stig.
- Svartfellska liðið hefur tapað tveimur síðustu leikjum sínum í riðlinum, heima gegn Györ, 26-21, og á útivelli gegn CSKA, 27-23.
- Dejana Milosavljevic leikmaður Podravka er næst markahæst í Meistaradeildinni með 69 mörk.
Dortmund – Odense | Sunnudagur 14. febrúar kl 14.00
- Dortmund, sem eru nýliði í Meistaradeildinni, er í sjöunda sæti með sjö stig.
- Þýska liðið hefur fengið þrjú stig í síðustu tveimur leikjum sínum, sigur á Podravka og jafntefli við Brest.
- Odense hafnar í fjórða sæti riðilsins en liðið hefur tapað tveimur leikjum í röð, gegn Buducnost og Valcea.
- Odense fangaði sigri, 32-27, í fyrri leik liðanna.
