Björn Viðar Björnsson, markvörður ÍBV. Mynd/Skapti Hallgrímsson, akureyri.net

ÍBV er með fullt hús stiga eftir þrjá leiki í Olísdeild karla eftir að hafa unnið KA, 35:31, í Vestmannaeyjum í dag. Lærisveinar Erlings Richardssonar hafa þar með sex stig eftir leikina þrjá en þetta var fyrsta tap KA-liðsins í deildinni.


ÍBV var fimm mörkum yfir í hálfleik, 18:13. KA tókst að saxa verulega á forskotið fram eftir síðari hálfleik og minnka muninn í eitt mark, 27:26. Síðasti stundarfjórðungur leiksins var hinsvegar eign ÍBV sem vann verðskuldaðan sigur.

Miklu munaði að Björn Viðar Björnsson markvörður ÍBV var vel með á nótunum meðan markverðir KA-liðsins náðu sér lítt á strik.


Mörk ÍBV: Rúnar Kárason 7, Dagur Arnarsson 6, Ásgeir Snær Vignisson 6, Theodór Sigurbjörnsson 5, Kári Kristján Kristjánsson 4/3, Sigtryggur Daði Rúnarsson 3, Róbert Sigurðarson 1, Dánjal Ragnarsson 1, Sveinn Jose Rivera 1, Nökkvi Snær Óðinsson 1.
Varin skot: Björn Viðar Björnsson 11, 31,4%.
Mörk KA: Pætur Mikkjalsson 9, Óðinn Þór Ríkharðsson 6/1, Einar Rafn Eiðsson 5, Patrekur Stefánsson 5, Arnar Freyr Ársælsson 2, Arnór Ísak Haddsson 1, Allan Norðberg 1, Ragnar Snær Nálsson 1, Ólafur Gústafsson 1.
Varin skot: Nicholas Satchwell 5, 17,2%, Bruno Bernat 2, 16,7%.

Stöðuna í Olísdeild karla og næstu leiki er að finna hér.

Öll tölfræði leiksins er hjá HBStatz.

- Auglýsing -

Nýjustu fréttir

- Auglýsing -