Lúðvík heldur kyrru fyrir

Lúðvík Thorberg Arnkelsson kom til Gróttu frá Fram sumarið 2020. Mynd/Eyjólfur Garðarsson

Lúðvík Thorberg Arnkelsson hefur skrifað undir nýjan tveggja ára samning við Olísdeildarlið Gróttu. Lúðvík er 24 ára gamall og leikur aðallega sem leikstjórnandi og skytta. Hann hefur skorað 29 mörk í Olísdeildinni í vetur og átt 24 stoðsendingar.


Lúðvík hefur undanfarin tvö árin leikið með Gróttu en hann er uppalinn hjá Fram í Safamýri.


„Það eru virkilega góð tíðindi að Lúðvík verði áfram í herbúðum okkar enda hefur hann leikið fantavel með liðinu í vetur, bæði sóknar- og varnarlega. Það er von okkar að hann muni halda áfram að þróa leik sinn enn frekar enda býr mikið í Lúlla,“ segir Arnar Daði Arnarsson þjálfari Gróttuliðsins í tilkynningu frá handknattleiksdeild Gróttu.


Leikmenn Gróttu eru farið að klæja í lófana eftir að flautað verður til leiks i Olísdeildinni eftir talsvert hlé. Þeir sækja Stjörnuna heim í TM-höllina annað kvöld þegar 18. umferð fer fram í heilu lagi með sex viðureignum.


Leikir Olísdeildar karla á morgun:
Kl. 18: Fram – KA.
Kl. 18: Afturelding – ÍBV.
Kl. 19.30: Stjarnan – Grótta.
Kl. 19.30: Haukar – Víkingur.
Kl. 19.30: FH – Valur.
Kl. 19.30: Selfoss – HK.

Staðan í Olísdeild karla.

- Auglýsing -

Nýjustu fréttir

- Auglýsing -