- Auglýsing -

Mæta Þór á miðvikudag og KA á föstudag

Einar Birgir Stefánsson, KA-maður, á auðum sjó gegn Phil Döhler, markverði FH, í fyrri viðureign liðanna í Olísdeildinni á yfirstanandi keppnistímabili. Mynd/J.L.Long

Ákveðið hefur verið að viðureign Þórs og FH í átta liða úrslitum Coca Cola-bikars karla í handknattleik hefjist klukkan 19 á miðvikudaginn í Íþróttahöllinni á Akureyri, heimavelli Þórsara. FH vann Hörð í 16-liða úrslitum í gær, nokkuð örugglega, á Ísafirði.


Þór fær heimaleik í átta liða úrslitum af því að andstæðinguirnn, FH, er í efri deild á Íslandsmótinu. Sigurliðið mætir Val í undanúrslitum Coca Cola-bikarsins á Ásvöllum fimmtudaginn 10. mars.


Tveimur sólarhringum eftir viðureignina við Þór í Íþróttahöllinni mætir FH-liðið aftur til leiks á Akureyri. Í þetta sinn fara FH-ingar í KA-heimilið og leika við KA í Olísdeild karla. Leiknum var seinkað vegna bikarleiksins við Þór en til stóð að leikur KA og FH færi fram fyrr í þessari viku.


Viðureign FH og ÍBV sem átti að fara fram um nýliðna helgi en varð að fresta vegna leiksins við Hörð í Coca Cola-bikarnum verður miðvikudaginn 30. mars í Kaplakrika.

- Auglýsing -
- Auglýsing -

Nýjustu fréttir

- Auglýsing -