Elvar Ásgeirsson t.v. í leik með Nancy. Mynd/Nancy

Elvar Ásgeirsson kemur inn í lið Nancy í kvöld þegar það mætir Kristjáni Erni Kristjánssyni, Donna, og samherjum í annarri umferð frönsku 1. deildarinnar í handknattleik. Frá þessu er greint á Facebook-síðu Grand Nancy Métropole Handball í morgun.


Elvar fékk þungt högg á aðra ristina í æfingaleik í byrjun ágúst og uppskar beinmar. Hefur hann síðan verið frá keppni af þess sökum. Hann var þar af leiðandi ekki með liðinu á síðasta laugardag þegar það tapaði naumlega fyrir Chartres, 28:27.


Elvar sagði við handbolta.is á sunnudaginn að til stæði að hann byrjaði æfingar með félögum sínum í Nancy á síðasta mánudag. Ljóst virðist Elvar hafi náð góðum bata úr því að honum er treystt til þess að vera a.m.k. til taks þegar Donni og félagar koma í heimsókn. PAUC vann Limoges í fyrstu umferð deildarkeppninnar, 31:29.

- Auglýsing -

Nýjustu fréttir

- Auglýsing -