Maksim Akbachev t.v. og Arnar Daði Arnarsson, þjálfarar karlaliðs Gróttu. Mynd/Grótta

Handknattleiksdeild Gróttu hefur endurnýjað samninginn við Maksim Akbachev um að sinn áfram starfi aðstoðarþjálfara meistaraflokks karla samhliða öðru starfi fyrir deildina.


Það ríkir mikil ánægja með þau tíðindi enda Maks mikilvægur hlekkur í því samstarfi sem er um þjálfun meistaraflokks karla, segir í tilkynningu handknattleiksdeildar Gróttu.


Maks er 36 ára gamall og mun á næstu leiktíð vera yfirþjálfari yngri flokka félagsins eins og greint var frá í vor.


Þegar Maks kom til starfa hjá Gróttu á síðasta ári hafði hann m.a. verið þjálfari hjá Val og Haukum.


„Það eru miklar gleðifréttir að Maksim skuli taka þá ákvörðun að vera áfram mér til aðstoðar. Við höfum unnið lengi saman og hefur samstarf okkar gengið mjög vel. Maksim er vel liðinn innan hópsins og það var því mikilvægt að halda honum innan félagsins. Það lýsir ágætlega okkar samstarfi og því verkefni sem við erum í að Maksim skuli taka þá ákvörðun að halda áfram þrátt fyrir áhuga frá öðrum félögum,“ segir Arnar Daði Arnarsson, þjálfari meistaraflokksliðs karla hjá Gróttu í tilkynningu.

- Auglýsing -

Nýjustu fréttir

- Auglýsing -