Margvísleg verk unnin til að fjármagna þátttöku í Evrópukeppni

Leikmenn, þjálfarar og aðstandendur handknattleikdeildar ÍBV. Mynd/ÍBV

Það er kostnaðarsamt fyrir íslensk félagslið að taka þátt í Evrópukeppni félagsliða í handknattleik. Það er gömul saga á ný. Eftir því sem árangurinn verður betri þeim mun meiri verður kostnaðurinn þar sem ekki er því að heilsa að tekjur komi m.a. frá Handknattleikssambandi Evrópu.


Sjö íslensk félagslið tóku þátt í keppninni í haust og nú standa enn þrjú eftir, kvennalið KA/Þórs og ÍBV og karlalið Hauka. Fyrir dyrum standa leikir hjá liðunum þremur síðla í þessum mánuði og í byrjun desember.


Leikmenn, þjálfarar og aðstandendur þeirra lið sem tekið hafa þátt í Evrópukeppni í haust og í vetur hafa gert eitt og annað til að afla fjár auk þess að selja margskonar varning.


Meðal þess sem leikmenn og þjálfarar ÍBV hafa unnið að er að þrífa þjónustuíbúðir í Ísfélagshúsinu svo tilvonandi íbúar geti farið að flytja inn fljótlega.


„Það var glatt á hjalla og gekk vel í þessu skemmtilega verkefni í kvöld, en alls voru 22 aðilar frá ÍBV á svæðinu og létu verkin tala,“ segir m.a. á Facebooksíðu ÍBV í gærkvöld þar sem ofangreint mynd var birt en á henni eru m.a. leikmenn ÍBV, þjálfarar og framkvæmdastjóri handknattleiksdeildar.

- Auglýsing -

Nýjustu fréttir

- Auglýsing -