Sandra Erlingsdóttir og félagar í EH Aalborg unnu í gær á útivelli. Mynd/EH Aalborg Support

Sandra Erlingsdóttir lék afar vel í dag þegar lið hennar EH Aalborg vann 11 marka sigur á Lyngby HK, 36:25, í Lyngby í dönsku B-deildinni í handknattleik kvenna. Álaborgarliðið var mun sterkara frá upphafi til enda og var með sex marka forskot að loknum fyrri hálfleik, 16:10.

Sandra skoraði sex mörk, þar af þrjú úr vítaköstum, og var markahæst í liðinu sem nú situr í öðru sæti deildarinnar með 28 stig eftir 16 leiki.

Ringköping er efst með 31 stig eftir 18 leiki en fjórar umferðir eru eftir. EH Aalborg hefur 28 stig, SönderjyskE hefur 26 stig, Ringsted 25 og Bjerringbro 24. Efsta lið deildarinnar fer beint upp í úrvalsdeild en þau sem hafna í öðru og þriðja sæti fara í úrslitakeppni með liðum úr neðri sætum úrvalsdeildarinnar um keppnisrétt í úrvalsdeild á næsta tímabili.

- Auglýsing -

Nýjustu fréttir

- Auglýsing -