- Auglýsing -

Markahæstur í Lörenskoghallen

Óskar Ólafsson, leikmaður Drammen. Mynd/Drammen

Óskar Ólafsson átti stórleik þegar Drammen vann Fjellhammer, 25:23, í afar kaflaskiptum leik á heimavelli síðarnefnda liðsins í Lörenskoghallen í gærkvöld í norsku úrvalsdeildinni í handknattleik.

Óskar skoraði sjö mörk í tíu skotum og var markahæsti leikmaður liðsins. Viktor Petersen Norberg, sem verið hefur aðsópsmikill í Drammen-liðinu á leiktíðinni, náði sér ekki á strik að þessu sinni. Honum lánaðist ekki að skora en gerði tvær tilraunir.

Hvorki gekk né rak hjá Drammen-liðinu í fyrri hálfleik enda var það fimm mörkum undir að honum loknum, 13:8. Í síðari hálfleik snerust hlutverkin við. Leikmenn Drammen gengu á lagið. Sóknarleikurinn gekk eins og í sögu og varnarleikurinn var framúrskarandi.

Önnur úrslit í norsku úrvalsdeildinni í gærkvöld:

Viking – FyllingenBergen 30:30
Halden – Nærbö 26:28
Kolstad – Haslum 23:24
Runar – ÖIF Arendal 30:34

Staðan í norsku úrvalsdeildinni.

- Auglýsing -
- Auglýsing -

Nýjustu fréttir

- Auglýsing -