Bjarni Ófeigur Valdimarsson leikmaður Skövde t.v. Mynd/Aðsend

IFK Skövde vann sinn sjötta leik í röð í kvöld í sænsku úrvalsdeildinni í handknattleik er liðið lagði Önnereds, 33:23, á heimavelli. Bjarni Ófeigur Valdimarsson lék prýðisvel og var valinn maður leiksins. Hann skoraði í sex skipti að þessu sinni í níu skotum auk þess átti Bjarni Ófeigur tvær stoðsendingar.


Skövde er með 14 stig eftir níu leiki í þriðja til fjórða sæti ásamt IFK Kristianstad. Ystads IF og Sävehof eru stigi á undan en hafa leikið tíu sinnum hvort.

Aron Dagur er að komast á skrið

Guif, sem tapaði naumlega fyrir Malmö FF, 27:26, í Malmö er í 8. sæti með 10 stig eftir 10 leiki. Aron Dagur Pálsson virðist vera að ná sér á strik eftir meiðsli. Hann skoraði þrjú mörk í sex skotum átti fimm stoðsendingar fyrir Guif-liðið. Daníel Freyr Andrésson hefur átt betri daga í markinu. Hann varði fimm skot, 22% markvarsla.

- Auglýsing -

Nýjustu fréttir

- Auglýsing -