Markvörður Selfoss úr leik

Henriette Ostergaard markvörður Selfoss sleit hásin. Mynd/Selfoss

Kvennalið Selfoss í handknattleik, sem leikur í Grill 66-deild kvenna varð fyrir áfalli á dögunum, þegar danski markvörðurinn Henriette Ostergaard sleit hásin á æfingu. Þetta staðfesti Örn Þrastarson, þjálfari liðsins, við handbolta.is. Örn sagði Ostergaard fara í aðgerð í dag og ljóst sé að hennar þátttöku á Íslandsmótinu á leiktíðinni er lokið.


Ostergaard hefur verið kjölfesta í ungu liði Selfoss sem er í uppbyggingu. Örn sagði að nú verði hin 16 ára gamla Lena Ósk Jónsdóttir að taka við hlutverki aðalmarkvarðar. Hún stóð vaktina með sóma á sunnudaginn var þegar Selfoss vann Fjölni-Fylki, 30:23, á heimavelli þegar keppni hófst loks aftur í Grill 66-deild kvenna.


Næsti leikur Selfoss í Grill 66-deildinni verður á móti Víkingi í Víkinni á sunnudaginn. Sigur Selfoss á Fjölni-Fylki var fyrsti sigur liðsins í deildinni á leiktíðinni eftir tvo tapleiki í september áður en deildakeppnin var sett á ís.

- Auglýsing -

Nýjustu fréttir

- Auglýsing -