Í landsliðinu með handlegginn í fatla

Christian Berge, þjálfari norska karlalandsliðsins. Mynd/EPA

Christian Berge, landsliðsþjálfari Noregs í karlaflokki, hefur valið þá leikmenn sem hann ætlar að tefla fram í leikjunum tveimur sem framundan eru snemma í nóvember í undankeppni EM.


Athygli vekur að Bjarte Myrhol er í landsliðshópnum en alveg er útlokað að hann taki þátt í leikjunum þar sem hann er með hægri handlegginn í fatla en aðeins eru þrjár vikur eru síðan hann gekkst undir aðgerð á hægri öxl. Í samtali við danska fjölmiðla um síðustu helgi sagðist Myrhol ekki reikna með að leika handknattleik á ný fyrr en á nýju ári.


Fyrri leikurinn verður á heimavelli gegn Lettlandi 4. nóvember og er þegar uppselt á viðureignina en aðeins 180 miðar voru seldir á leikinn vegna samkomutakmarkana. Fjórum dögum eftir leikinn á heimavelli sækir norska landsliðið það ítalska heim í Pescara.


Norski hópurinn er skipaður eftirtöldum leikmönnum, leikir og mörk innan sviga.


Markverðir:
Kristian Sæverås, SC DHfk Leipzig (16/001)
Torbjørn Bergerud, SG Flensburg-Handewitt (84/000)
Aðrir leikmenn:
Olaf Richter Hoffstad, ØIF Arendal Elite (0/0)
Sander Sagosen, THW Kiel (105/498)
Sander A. Øverjordet , Mors-Thy Håndbold (12/008)
Bjarte Myrhol, Skjern Håndbold (242/761)
Petter Øverby, HC Erlangen (70/043)
Magnus Jøndal, SG Flensburg-Handewitt (155/489)
Erik T. Toft, Mors-Thy Håndbold (0/0)
Kent Robin Tønnesen, Telekom Vezprem (100/271)
Kristian Bjørnsen, HSG Wetzlar (125/518)
Magnus Gullerud, SC Magdeburg (133/162)
Gøran Johannessen, SG Flensburg-Handewitt (71/153)
Christian O`Sullivan, SC Magdeburg (122/186)
Harald Reinkind, THW Kiel (106/199)
Kevin Maagerø Gulliksen, GWD Minden (34/41)
Magnus Abelvik Rød, SG Flensburg-Handewitt (52/108)

- Auglýsing -

Nýjustu fréttir

- Auglýsing -