Molakaffi: Aðalsteinn, Daníel, Haukur, Kjelling

Aðalsteinn Eyjólfsson, þjálfari Kadetten Schaffhausen í Sviss. Mynd/Kadetten Schaffhausen
  • Kadetten Schaffhausen, svissneska meistaraliðið sem Aðalsteinn Eyjólfsson þjálfar, vann í gær toppslaginn í svissnesku úrvalsdeildinni þegar liðið mætti Pfadi Winterthur, 37:35, á heimavelli. Kadetten er eitt í efsta sæti deildarinnar með 8 stig að loknum fjórum leikjum. 
  • Daníel Freyr Andrésson varði níu skot, 30% hlutfallsmarkvarsla, þegar lið hans Guif tapaði fyrir Skövde, 24:21, á heimavelli í Eskilstuna í gær í sænsku úrvalsdeildinni í handknattleik. Skövde var með yfirhöndina í leiknum frá upphafi til enda, m.a. var þriggja marka munur í hálfleik, 13:10. Guif hefur tvö stig eftir fyrstu umferðirnar tvær en Skövde er með fjögur stig. 
  • Handknattleiksmaðurinn Haukur Þrastarson var í vikunni útnefndur íþróttakarl HSK 2019 á síðbúnu Héraðsþingi HSK sem fram fór á Hvolsvelli. Upphaflega stóð til að þingið væri fram í mars en var þá frestað vegna Covid19.
  • Kristian Kjelling hefur framlengt samning sinn um þjálfun norska úrvalsdeildarliðsins Drammen til ársins 2025. Hann hefur verið við stjórnvölinn síðustu fjögur ár. Íslendingar koma við sögu  í leikmannahóp Drammen um þessar mundir. Óskar Ólafsson og hinn hálf íslenski Viktor Petersen Norberg.
  • Hin unga hollenska örvhenta skytta, Niels Versteijnen, framlengdi samning sinn við þýska 2. deildarliðið VfL Lübeck-Schwartau.
- Auglýsing -

Nýjustu fréttir

- Auglýsing -