- Auglýsing -

Meiddist daginn fyrir leik

Adam Thorstensen, markvörður. Mynd/Stjarnan

Markvörðurin efnilegi Adam Thorstensen, sem gekk til liðs við Stjörnuna frá ÍR í sumar, gat ekki tekið þátt í fyrsta leik liðsins í Olísdeildinni á föstudaginn eins og til stóð.

Adam tognaði á æfingu á fimmtudaginn og verður frá keppni um skeið. „Vonandi verður Adam ekki lengur frá en tíu til fjórtán daga,“ sagði Patrekur Jóhannesson, þjálfari karlaliðs Stjörnunnar, þegar handbolti.is leitaði fregna af Adam í morgun.

„Ég er ánægður með Adam og það sem hann heftur sýnt fram til þessa og reikna með miklu af honum þegar kemur lengra fram á tímabilið,“ sagði Patrekur ennfremur. Hann er að byggja upp nýtt lið hjá Stjörnunni eftir mikla uppstokkun og þjálfaraskipti í sumar.

Adam kom frá ÍR til Stjörnunnar. Hann lék ekkert með ÍR-liðinu í Olísdeildinni á síðasta keppnistímabili en vakti verðskuldaða athygli leiktíðina 2018/2019. Adam hefur leikið með yngri landsliðum Íslands.

Adam lék níu leiki með knattspyrnuliði ÍR 2019 en er nú skráður í Víking Reykjavík samkvæmt gagnagrunni Knattspyrnusambands Íslands.

- Auglýsing -
- Auglýsing -

Nýjustu fréttir

- Auglýsing -