Stuðningsmenn ÍBV ætla að fjölmenna í Origohöll Valsara annað kvöld. Mynd/J.L.Long

Gríðarlegur áhugi er að meðal Vestmannaeyinga fyrir síðari leik Vals og ÍBV í undanúrslitum Íslandsmóts karla í handknattleik, Olísdeildinni, sem fram fer í Origohöll Valsara á Hlíðarenda annð kvöld.

Eyjafréttir greina frá að allir miðar í þeim hólfum sem stuðningsmönnum ÍBV stendur til boða hafi verið rifnir út eins og heitar lummur. Miðarnir eru á þrotum. Þar segir ennfremur að Valsarar ætli að opna fleiri hólf fyrir Eyjamenn en óljóst sé eins og sakir standa hversu margir miðar til viðbótar verða í boði þar sem enn eru í gildi ákveðnar samkomutakmarkanir.

„Fyrirspurnum um miða hefur rignt inn hjá mér, símtöl, skilaboð og tölvupóstar og það greinilegt að Eyjamenn ætla að fjölmenna og hjálpa til við að tryggja okkar mönnum sæti í úrslitaeinvíginu,“ sagði Vilmar Þór Bjarnason, framkvæmdastjóri handknattleiksdeildar ÍBV í samtali við Eyjafréttir.


Hópferð verður frá Vestmannaeyjum á leikinn á Hlíðarenda og er talsverð eftirspurn eftir miðum í ferðina. Upplýsingar um ferðina er að finna á Facebook-síðu ÍBV.


Valur vann fyrri viðureignina sem fram fór á þriðjudagskvöld í Vestmannaeyjum með þriggja marka mun, 28:25.

- Auglýsing -

Nýjustu fréttir

- Auglýsing -