Miðasala á HM-leikinn við Austurríki hefst á fimmtudaginn

Það var gaman á leikjum íslenska landsliðsins á EM. Nú þarf að fylla Ásvelli 16. apríl. Mynd/Hafliði Breiðfjörð

Gríðarleg eftirvænting ríkir fyrir viðureignum Íslands og Austurríkis í undankeppni heimsmeistaramóts karla í handknattleik sem fram fara 13. og 16. apríl.

Miðasala fyrir síðari leikinn sem fram fer á Ásvöllum í Hafnarfirði 16. apríl hefst á næsta fimmtudag kl. 12 hjá tix.is.


Fyrri leikur liðanna verður spilaður í Bregenz í Austurríki miðvikudaginn 13. apríl nk.
Miðasala á leikinn í Bregenz.


Báðir leikirnir við Austurríki hefjast klukkan 16 að íslenskum tíma.


Eins og áður segir þá er ríkir mikil eftirvænting fyrir leiknum á Ásvöllum 16. apríl enda er um að ræða fyrsta heimaleik karlalandsliðsins fyrir framan áhorfendur síðan síðla árs 2019. Reiknað er með að miðarnir renni út eins og heitar lummur með hunangi.

- Auglýsing -

Nýjustu fréttir

- Auglýsing -