Mikil spenna í kapphlaupinu um markakóngstitilinn

Ómar Ingi Magnússon er einn fimm leikmanna í sögu þýsku 1. deildarinnar sem skorað hefur yfir 500 mörk á tveimur fyrstu tímabilum sínum í deildinni. Mynd/Hafliði Breiðfjörð

Mikil spenna er í kapphlaupinu um markakóngstitilinn í þýsku 1. deildinni í handknattleik fyrir lokaumferðina sem fram fer á sunnudaginn. Tveir Íslendingar eru á meðal þriggja efstu auk þess sem íslenskt blóð rennur í þeim sem efstur er á blaði þótt hann sé danskur ríkisborgari.


Aðeins munar þremur mörkum á Hans Óttari Lindberg leikmanni Füchse Berlin sem trónir efstur á listanum með 233 og mörk og Bjarka Má Elíssyni, Lemgo, sem er í þriðja sæti. Á milli þeirra er Ómar Ingi Magnússon, SC Magdeburg, og markakóngur síðasta timabils, með 231 mark. Bjarki Már varð markahæsti maður deildarinnar leiktíðina 2019/2020.

Getur fetað í fótspor Kyung-shin Yoon

Ómar Ingi getur orðið fyrsti leikmaðurinn til þess að verða markakóngur tvö ár í röð síðan Suður Kóreumaðurinn Kyung-shin Yoon lék þann leik síðla á síðustu öld. Reyndar varð Kyung-shin Yoon markakóngur deildarinnar sex ári í röð.

Í 500 marka klúbbnum

Ómar Ingi hefur þegar náð þeim áfanga að skora yfir 500 mörk samanlagt á tveimur fyrstu tímabilum sínum í deildinni. Aðrir sem hafa náð þeim áfanga eru Kyung-shin Yoon, Robert Weber, Savas Karipidis og Lars Christiansen.


Ef Lindberg verður efstur þegar upp verður staðið verður hann fimmti leikmaðurinn til þess að verða markakóngur deildarinnar a.m.k. þrisvar á ferlinum. Hinir eru Kyung-shin Yoon, Hansi Schmidt, Djordje Lavrnić og Jerzy Klempel.

Bjarki Már Elísson hefur átt afar góðu gengi að fagna hjá Lemgo. Mynd/Aðsend

Meðal þriggja eftir þriðja árið í röð

Bjarki Már getur kvatt Lemgo sem markakóngur deildarinnar og þannig hreppt hnossið tvisvar á þriggja ára ferli með liðinu. Þar að auki varð Bjarki Már þriðji markahæstur í deildinni keppnistímabilið 2020/2021 með 254 mörk, þar af 95 úr vítaköstum.


Ómar Ingi skoraði 274 mörk þegar hann varð markahæstur í fyrra með 274, af þeim voru 134 úr vítaköstum. Næstur var Marcel Schiller, Göppingen, með 270 mörk. Keppnistímabilið 2020/2021 voru 20 lið í deildinni. Þau er 18 nú eins og tímabilið 2019/2020 en þá var keppni slaufað vegna kórónuveirunna. Þegar keppni var hætt og liðin ýmist lokið 26 eða 27 leikjum. Bjarki Már skoraði til að mynda mörkin 217 í 27 leikjum.

Markahæstu leikmennn þýsku 1. deildarinnar:

Nafnfélagmörk
Hans Óttar LindbergFüchse Berlin233/119
Ómar Ingi MagnússonSC Magdeburg231/111
Bjarki Már ElíssonLemgo230/77
Casper MortensenHSV Hamburg204/92
Niclas EkbergTHW Kiel189/99
Marcel SchillerGöppingen180/89
Vladan LipovinaBalingen176/61
Simon JeppssonErlangen173/22
Tom SkroblierN-Lübbecke164/49
Hampus WanneFlensburg158/73
Julius KühnMT Melsungen156/1
Tomas UrbanGWD Minden156/56
Lenny RubinWetzlar152/0
Johan HansenH-Burgorf152/49
Andy SchmidR-N-Löwen146/46
Amine DarmoulGWD Minden146/15
Ivan MartinovicH-Burgdorf142/4
Kai HäfnerMT Melsungen134/0
Niklas WellerHSV Hamburg132/20
Jacb HolmFüchse Berlin132/0
Christoph SteinertErlangen130/65
Adam LönnStuttgart128/3
Lasse B. AnderssonFüchse Berlin125/0
Patrick ZiekerStuttgart123/45
Kevin GulliksenGöppingen122/17
- Auglýsing -

Nýjustu fréttir

- Auglýsing -