Molakaffi: Aguinagalde, Alfreð, Weber, Andersen, Lavrov

Julen Aguinagalde tekur við sérmerktri landsliðstreyju í tilefni af 200. landsleiknum fyrir Spán. Mynd/EPA
  • Spænski línumaðurinn Julen Aguinagalde lék á laugardaginn sinn 200. landsleik fyrir landsliðið og var heiðraður af því tilefni. Aguinagalde er 38 ára gamall og er á leið á Ólympíuleikana með spænska landsliðinu.
  • Þýska landsliðið í handknattleik karla, undir stjórn Alfreðs Gíslasonar, vann í gær landslið Egyptalands, 29:27, í vináttulandsleik í Nürnberg í Þýskalandi. Heimamenn voru tveimur mörkum yfir að loknum fyrri hálfleik, 12:10. Þetta var annar sigur þýska landsliðsins í vináttlandsleik á þremur dögum en á föstudaginn vann það landslið Brasilíu, 36:26.
  • Þjóðverjar voru með talsverða yfirburði í síðari hálfleik í gær og höfðu m.a. átta marka forskot, 27:19, þegar nærri 10 mínútur voru til leiksloka. Philipp Weber var markahæstur í þýska liðinu með fimm mörk og þeir Uwe Gensheimer og Marcel Schiller skoruðu fjögur mörk hvor.
  • Frederik Bo Andersen, 22 ára gamall hægri hornamaður hjá GOG og samherji Viktors Gísla Hallgrímssonar landsliðsmarkvarðar síðustu tvö ár, hefur samið við nýliða þýsku 1. deildarinnar, HSV Hamburg. Samningur Andersen við HSV er til næstu þriggja ára en félagið greiðir GOG upp síðasta árið sem hann átti eftir við félagið.
  • Kiril Lazarov hefur sett á stofn handknattleikslið í heimalandi sínu, Norður Makedóníu, sem á að verða uppeldismiðstöð fyrir unga og efnilega handknattleiksmenn. Félagið HC Alkaloid er ætlað að verða handknattleiksakademía þar sem efnilegt handknattleiksfólk á að eiga þess kost að njóta bestu þjálfunar og leiðsagnar sem möguleiki er á. Liðið mun leika í næst efstu deild á næsta keppnistímabili.
a>
- Auglýsing -

Nýjustu fréttir

- Auglýsing -