Molakaffi: Aguinagalde, Mortensen, Cavalcanti, niðurlæging, Guigou

Julen Aguinagalde. Mynd/EPA
  • Spænski línumaðurinn Julen Aguinagalde hefur framlengt samning sinn við Bidasoa til eins árs, út næstu leiktíð. Aguinagalde, sem er 38 ára gamall, kom til Bidasoa eftir sjö ára veru hjá Vive Kielce í Póllandi og varð m.a. Evrópumeistari með liðinu árið 2016. Hann er nú með spænska landsliðinu á Ólympíuleikunum
  • Vefmiðilll  handball.leaks segir frá því í gær að danski hornamaðurinn Casper U. Mortensen verði leikmaður nýliða þýsku 1. deildarinnar HSV Hamburg á næsta keppnistímabili. Mortensen var laus úr vistinni hjá Barcelona í vor eftir tvö frekar erfið tímabil sem voru mjög mörkuð af þrálátum meiðslum. 
  • Alexandre Cavalcanti varð að draga sig út úr keppnishópi Portúgals fyrir handknattleikskeppni Ólympíuleikanna vegna meiðsla.  Gilberto Duarte verður í hans stað í 14 manna hópi Portúgals sem sendir í fyrsta sinn karlalið til keppni í handknattleik á Ólympíuleikum. 
  • Danski handknattleiksþjálfarinn og sérfræðingur sjónvarpsstöðvarinnar TV2 um handknattleik, Bent Nyegaard, segir það vera niðurlægjandi fyrir handknattleiksíþróttina að norska kvennalandsliðið hafi verið sektað fyrir að leika ekki í bíkinibuxum á Evrópumeistaramótinu í strandhandknattleik um síðustu helgi eins og handbolti.is hefur sagt frá. Norsku landsliðskonurnar léku þess í stað stuttbuxum og fékk liðið ríflega 200 þúsund króna sekt frá Handknattleikssambandi Evrópu fyrir uppátækið.  Nyegaard segir bíkinbuxurnar tilheyra fortíðinni. 
  • Hinn þrautreyndi franski handknattleiksmaður Michaël Guigou verður væntanlega ekki með Frökkum í fyrstu umferð handknattleikskeppni Ólympíuleikanna á morgun. Hann er tognaður í læri og situr væntanlega yfir til að byrja með. Guigou lék á dögunum sinn 300. landsleik.
- Auglýsing -

Nýjustu fréttir

- Auglýsing -