- Auglýsing -

Molakaffi: Alfreð, Mandić, Eiður, Ágúst Elí, Green, Lindberg, Læsø, Niakate

Alfreð Gíslason landsliðsþjálfari Þýskalands. Mynd/EPA
  • Alfreð Gíslason og lærisveinar hans í þýska landsliðinu unnu Hvít-Rússa, 33:29, í fyrsta leik liðsins á EM karla í handknattleik í gær. Hvít-Rússar veittu harða mótspyrnu framan af og voru m.a. marki yfir í hálfleik, 19:18. Þýska liðið komst yfir fljótlega í síðari hálfleik en Hvít-Rússar voru aldrei langt undan.
  • Króatinn David Mandić verður ekki með landsliðinu í dag þegar það mætir erkióvinum sínum, serbneska landsliðinu. Mandic fékk rautt og blátt spjald fyrir slá harkalega í andlitið á Kentin Mahé í viðureign Króata og Frakka á EM í fyrrakvöld. Verður hann að súpa seyðið að því í kvöld. Mandić er sagður miður sín vegna atviksins.

Unglingalandsliðsmaðurinn hjá Herði á Ísafirði, Sudario Eiður Carneiro, var valinn efnilegasti íþróttamaður Ísafjarðarbæjar á dögunum.

  • Kristian Kristensen hefur tekið við þjálfun KIF Kolding í Danmörku sem Ágúst Elí Björgvinsson landsliðsmarkvörður leikur með. Kristensen tekur við af Andreas Toudahl sem var látinn taka pokann sinn í síðasta mánuði eftir óviðunandi frammistöðu liðsins sem er í 13. sæti af 15 liðum dönsku deildarinnar. Kristensen var aðeins ráðinn til starfans út keppnistímabilið.
  • Danski makvörðurinn Jannick Green hefur jafnað sig af covid og er kominn til Ungverjalands. Green greindist með veiruna á þriðja degi nýs árs.
  • Hans Lindberg var kallaður inn í danska landsliðið í gær eftir að Johan á Plógv Hansen meiddist og varð að draga sig út úr landsliðshópnum.

  • Danska meistaraliðið Aalborg, sem Aron Pálmarsson leikur með og Arnór Atlason er aðstoðarþjálfari hjá hefur selt Nikolaj Læsø til Porto. Læsø verður þó í herbúðum Aalborg út keppnistímabilið.
  • Franska landsliðskonan Kalidiatou Niakate hefur skyndilega kvatt Brest í heimalandi sínu og gengið til liðs við CSM Búkaresti í Rúmeníu. Niakate er 26 ára gömul hefur átt sæti í franska landsliðinu í átta ár, allt síðan hún sló í gegn 18 ára gömul. Niakate átti sæti í sigurliði Frakka á Ólympíuleikunum í sumar sem leið og eins var hún í silfurliðinu á HM í síðasta mánuði.
- Auglýsing -
- Auglýsing -

Nýjustu fréttir

- Auglýsing -